Пайдаланушы келісімі

Осы Пайдаланушы келісімі www.zhailau.com маркетплейсінің (бұдан әрі – Маркетплейс) барлық келушілері мен пайдаланушыларына қолданылады. Маркетплейске кіру, оның материалдарын пайдалану немесе жеке тұлғаның Маркетплейсте тіркелуі осы Келісімнің талаптарымен толық көлемде, ешқандай алып тастаусыз және шектеусіз келісетінін білдіреді.

Маркетплейс арқылы тауарларды, жұмыстарды немесе көрсетілетін қызметтерді (бұдан әрі – Тауарлар) таңдау және сатып алу мүмкіндігін алу мақсатында Маркетплейсте тіркелген жеке тұлға Пайдаланушы болып табылады.

«Zhailau Inc» жауапкершілігі шектеулі серіктестігі (бұдан әрі – Компания) Пайдаланушыға Маркетплейсте Тауарларын сататын сатушылардан (бұдан әрі – Сатушылар) Тауарларды таңдау және сатып алу мақсатында Маркетплейсті пайдалану мүмкіндігін ұсынады.

Маркетплейсте және оның бөлімдерінде орналастырылған барлық мәліметтер мен ақпараттар, оның ішінде Тауарлардың бағалары, сипаттамалары, қолжетімділігі және Сатушылардан Тауарларды таңдау мен сатып алуға қатысты өзге де ақпарат тек ақпараттық сипатқа ие және жария оферта болып табылмайды. Маркетплейсті пайдалану барысында Компанияға немесе Маркетплейс арқылы жіберілетін кез келген хабарламалар қандай да бір шарттың немесе мәміленің жасалғанын, оның Сатушымен жасалғанын немесе расталғанын білдірмейді және қандай да бір шартты немесе мәмілені жасауға арналған оферта немесе акцепт болып саналмайды.

Сатушыдан сатып алынатын Тауарға қатысты барлық шағымдар, өтініштер және ескертулерді Пайдаланушы тікелей Сатушыға жолдайды. Тауардың сапасына, бағасына, қолжетімділігіне, жеткізу шарттары мен мерзіміне, Тауарды беру рәсіміне, сондай-ақ Тауарды қайтаруға, оның ішінде Пайдаланушыдан Сатушыға дейін жеткізуге қатысты барлық даулар Пайдаланушы мен Сатушы арасында Компанияның қатысуынсыз дербес шешіледі. Компанияның жауапкершілігі мен міндеттері Қазақстан Республикасының заңнамасында және Компания мен Пайдаланушы арасында жасалған шарттарда көзделген көлеммен ғана шектеледі.

Маркетплейсте Тауар туралы орналастырылған ақпаратты (сипаттамалар, бағалар, фотосуреттер, бейнематериалдар және т.б.) Сатушы ұсынады. Компания Маркетплейсте мүмкіндігінше нақты әрі өзекті ақпараттың орналастырылуын қамтамасыз етуге ұмтылады. Алайда Маркетплейсте жарияланған ақпарат негізінде ғана қабылданған шешімдердің нәтижесінде туындаған залалдар, шығындар немесе өзге де жағымсыз салдар үшін Компания жауапты болмайды.

Компания алдын ала хабарламастан кез келген уақытта өз қалауы бойынша көрсетілетін қызметтер туралы ақпаратты, Маркетплейсте орналастырылған кез келген мәліметті, сондай-ақ осы Пайдаланушы келісімінің талаптарын өзгертуге немесе толықтыруға құқылы.

Осы Маркетплейстегі мәтіндер, бейнелер, мультимедиалық материалдар, бағдарламалық кодтар, ақпараттық және жарнамалық материалдар, сондай-ақ авторлық құқық объектілері болып табылатын өзге де материалдар Қазақстан Республикасының авторлық құқық туралы заңнамасына сәйкес қорғалады.

Пайдаланушы тапсырыс рәсімдеу және/немесе Маркетплейсте тіркелу арқылы Компанияға өзінің дербес деректерін жинауға, өңдеуге және оларды Сатушыға, курьерлік қызметтерге, электрондық сауда операторларына және мемлекеттік органдарға беруге келісім беретінін және мұны растайтынын білдіреді. Мұндай өңдеу мен беру келесі мақсаттарда жүзеге асырылады:

• Маркетплейс арқылы Тауарды сатып алу, оның ішінде Пайдаланушы мен Сатушы арасында сатып алу-сату шартын жасасу және оны орындау;
• Курьерлік қызметтердің, электрондық сауда операторларының, мемлекеттік органдардың және пошта байланысы операторларының қызметтерін көрсету, оның ішінде Тауарды жеткізу, жөнелту, кедендік ресімдеу және декларациялау рәсімдерін жүзеге асыру;
• Компанияның және/немесе Сатушының өзара іс-қимылын қамтамасыз ету, оның ішінде тапсырысты өңдеу, міндеттемелерді орындау, төлем жасау, Тауарды немесе ақшалай қаражатты қайтару мәселелері бойынша коммуникацияларды жүзеге асыру;
• Чат-боттың функционалдық мүмкіндіктерін пайдалану, оның ішінде сұрауларды жіберу, оларға жауап алу және Маркетплейсті пайдалану мәселелері бойынша Пайдаланушыларға қолдау көрсету.

Құпия ақпаратыңыздың қауіпсіздігін қамтамасыз ету мақсатында келесі ұсынымдарды сақтауыңызды сұраймыз:

• логиніңізді, құпиясөзіңізді, банк (төлем) картаңыздың нөмірін, жеке басыңызды куәландыратын құжаттардың деректерін немесе өзге де құпия мәліметтерді үшінші тұлғаларға, оның ішінде телефон арқылы хабарламаңыз;
• құпия ақпаратыңызды сұрататын электрондық хаттарға немесе хабарламаларға жауап бермеңіз.

Маркетплейстің жұмысына қатысты барлық ақпарат Пайдаланушыға www.zhailau.com сайтында орналастыру арқылы жеткізіледі.

Маркетплейсті пайдалану үшін қажетті Пайдаланушының әрекеттері www.zhailau.com сайтында жарияланған пайдалану тәртібі мен нұсқаулықтарға сәйкес айқындалады.

Пайдаланушыға тыйым салынады:

• Маркетплейстен деректерді автоматтандырылған түрде жинауға (парсинг жасауға), оның ішінде скрипттерді, боттарды, парсерлерді және басқа да ұқсас құралдар мен бағдарламаларды пайдалануға;
• автоматтандырылған қолжетімділікті болдырмауға арналған техникалық қорғау құралдарын айналып өтуге, олардың жұмысына араласуға немесе өзге де түрде ықпал етуге;
• Сатушының рейтингін әдейі бұрмалауға бағытталған әрекеттер арқылы өз құқықтарын теріс пайдалануға, оның ішінде кейіннен бас тарту мақсатында жүйелі түрде тапсырыс рәсімдеуге, көрінеу жалған пікірлер жариялауға, басқа Пайдаланушылармен Сатушының рейтингін төмендетуге бағытталған әрекеттерді келісуге, пікірлерді жариялағаны, өзгерткені немесе жойғаны үшін сыйақы алуға немесе талап етуге.

Егер Пайдаланушы осы Келісімнің 13-тармағын бұзса немесе оны бұзуға негізді күдік туындаса, Маркетплейс келесі шараларды қолдануға құқылы:

• белгілі бір тауарларды сатып алу мүмкіндігін шектеуге;
• Маркетплейс сервистерінің көрсетілуін уақытша тоқтатуға;
• Маркетплейске қолжетімділікті уақытша немесе тұрақты түрде бұғаттауға.